ორიონის ნისლეულის დახვეწილ ხვეულებში, მეცნიერებმა როგორც იქნა მიაგნეს ნახშირბადის მნიშვნელოვან მოლეკულას, რომელიც ვარსკვლავთშორის სივრცეში აქამდე არასოდეს გვინახავს.
მეთელიუმი, ასევე ცნობილი, როგორც მეთილის კათიონი (CH3+), არის ნახშირბადის ნაერთი, რომელზეც დიდი ხანია ვარაუდობდნენ, რომ გადამწყვეტ როლს ასრულებს ვარსკვლავთშორისი სივრცის ორგანულ ქიმიაში. ამჯერად, ჯეიმს ვების კოსმოსური ტელესკოპის გამოყენებით, მეცნიერებმა ის ახლად დაბადებული ვარსკვლავის გარშემო არსებულ მტვრისა და გაზის დისკოში დააფიქსირეს, რაც მის ამ როლის შესაძლებლობას ადასტურებს.
„ეს აღმოჩენა არა მხოლოდ ვების წარმოუდგენელ მგრძნობელობას ადასტურებს, არამედ CH3+ -ის პოსტულირებულ ცენტრალურ მნიშვნელობასაც ვარსკვლავთშორისი სივრცის ქიმიაში“, — ამბობს საფრანგეთის პარიზ-საკლეს უნივერსიტეტის ასტრონომი მარი-ალენ მარტინ-დრუმელი.
რჩება კითხვები ამ მოლეკულის თვისებების შესახებ, ისევე როგორც ვარსკვლავთშორის ქიმიაში მისი როლის შესახებ. მკვლევართა განცხადებით, ამას მომავალი კვლევები გაარკვევს.
კვლევა ჟურნალ Nature-ში გამოქვეყნდა.
