საბერძნეთის დედაქალაქის სამხრეთ-აღმოსავლეთით, ტყის ძლიერ ხანძარს ებრძვიან. სტიქიის ზონაში ათობით ცეცხლის კერაა. ძლიერი ხანძრის გამო, მოსახლეობის ევაკუაცია ოთხ დასახლებაში დაიწყო.
ცეცხლის სალიკვიდაციო სამუშაოებს ძლიერი ქარი და ჰაერის რეკორდულად მაღალი ტემპერატურა აფერხებს. ქალაქში +44 გრადუსი დაფიქსირდა.
სტიქიის ზონაში 78 მეხანძრე-მაშველი და 26 სპეცტექნიკაა მობილიზებული. ხანძრის ჩასაქრობად ვერტმფრენების გამოყენებაც გახდა საჭირო.