მოსკოვში მომხდარი ტერაქტიდან გამომდინარე, საფრანგეთმა ქვეყანაში ტერორისტული აქტების საფრთხის უმაღლესი დონე გამოაცხადა - გადაწყვეტილება საფრანგეთის მთავრობამ გუშინ ღამით, ელისეს სასახლეში მიიღო, სადაც, ემანუელ მაკრონის ხელმძღვანელობით, საფრანგეთის თავდაცვისა და უსაფრთხოების საბჭოს სხდომა შედგა.
საფრანგეთის პრემიერის განმარტებით, იქიდან გამომდინარე, რომ მოსკოვის ტერაქტზე პასუხისმგებლობა "ისლამურმა სახელმწიფომ" აიღო, ანალოგიური საფრთხის წინაშე დგას საფრანგეთიც - ქვეყანა, რომელიც არაერთხელ იქცა სხვადასხვა ექსტრემისტული დაჯგუფების სამიზნე.
შეგახსენებთ, რომ მიმდინარე წლის ზაფხულში პარიზში ოლიმპიური თამაშები ტარდება.
